Ing Desa Banyuasin Separe
kang kalebu Kecamatan Loano Kabupaten Purworejo ono sumur utawa belik kang banyune nduweni
rasa asin. Padahal Desa iku panggonane ono
erenging
pegunungan. Sing aneh maneh, sumur-sumur warga sakiwa tengene ora ono sing
banyune rasa asin.
 |
| Pak Jumadi njegur ono belik |
Nalika
penulis nemoni Pak Jumadi Kepala Desa rikolo tanggal 7 Juni 2011 kepungkur, deweke ngendika yen
sumur iku wis ono wiwit suwi. Wektu pase kapan, penjenengane ora pirsa. “Nanging wis ana wiwit
biyen,” ngendikane. Miturut crita, biyen sumur iku asal mulane ana tangga desa
sing aran Banyuasin Kembaran. Rehne sumur ngetoake banyu kang akeh, warga wedi
yen dadi banjir. Sakwise dianake sakwijining upacara, sumur kang ana ing desa
Banyuasin Kembaran banyune ora mili maneh. Nanging, banyu iku malah metu ana
ing desa Banyuasin Separe, seprene.
Sumur iki dumadi ono lemahe warga sing asmane Pak
Bariman ana Dusun Ngemplak RT 1 RW 4. Sumur
kuwi jerone udakara 90 centimeter lan nduweni garis tengah/diameter kurang luwih 2,5 meter. Nalika penulis nyoba
nyicipi, rasane banyu pancen krasa asin. Banyu sumur uga dipercaya warga nduweni “khasiat” kanggo nggampangake wong sing suwi durung jejodhoan,
ngobati lara kulit, utawa wong sing kepingin ngalap berkah liyane.
Saben
malem Jemuwah Kliwon utawa Slasa Kliwon, ana wae tamu kang tirakat sinambi raup
utawa siram nganggo banyu sumur. Seperangan tamu ora mung rawuh seko tlatah
Purworejo nanging seko wilayah liya kayadene Magelang, Wonosobo lan Temanggung.
Udakara
tahun 1997, sumur nate kateliti saka UGM (Universitas Gadjah Mada) lan tahun
candake saka ITB (Institut Teknologi Bandung), sing hasile mratelaake menawa
ono kandungan belerang ono banyu sumur. Mung emane, Pemerintah Desa ora diparingi hasil penelitian sing wujud
tulisan seko loro lembaga mau.
Saiki sumur wis dipasangi pager kanggo pengaman,
Pemerintah Desa nduweni pangajab sumur iki bisa dilengkapi kanthi cungkup lan
fasilitas liyane kanggo narik para wisatawan / tamu sing kepingin mbuktekake rasa
asin sumur utawa sing arep tirakat.
Yen panjenengan kepingin mirsani/ngicipi
rasa asin seko sumur iku, rawuh wae ana Desa Banyuasin Separe udakara 18 kilometer adohe seko kutho Purworejo, lan 2 kilometer seko kantor Kecamatan Loano.
